يا دنيتي مجروح من وين ماروح

ماراحت جروحي والايام راحت
ياليتني نفس اذا ضاقت تبوح
ان كان من هم الليالي استراحت
كل ماخفيت جروح تظهر بي جروح
وبوسط صدري قـــلــة الهم فاحت
وانا اكثر من الجرح ماأقول مجروح
نفس العزيز اكبر من جروح ناحت
اوقف في وجه الوقت كأني جبل نوح
واطيح لو روحي من الجرح طاحت
قلب الاسد ماهومخلوق للنوح
تعما عيونه كان في يوم صاحت
صوت الحزن من كثرة النوح مبحوح
يشكي الجروح اللي مع الوقت لاحت
وانا لجرحك يازمن قلت مسموح
ان اقبلت دنياي وان كان شاحت
ولـــــو كـــــل صـدر اصـــــبــــح كــــتـــــاب مـــــفتـــوح
ان كان كـــــل النــــــاس بــالهــــم بــــاحـــت
والروح بعض احيان ترخص لأجل روح
لكنها لو باحت بسر راحت...!