قصائد حب

موضوع: قصائد حب 29/07/11, 01:13 pm

قصيدة حب , اشعار حب , اشعار عن الحب , كلمات حب رومنسيه , قصائد , شعر , اشعار جديده

..{ خذيت الحب وخذيت الحنان وما بقى لي شي

دخيلك رد لي بعض الحنان أجامل أصحابي
ترى ما عاد باقي في رصيد القلب غير شوي
بغيت آعيش به لكن عجزت وماتت أعصابي
أنا ما أريده لغيرك أنا والله أريده لي
أخاف أفقد حناني لا عطيتك وأفقد أقرابي
يا أجمل من بكت لجله عيوني يا شبيه الضيّ
ترى نورك كسر وجه الصباح ومات بأهدابي
نهارك تبتسم لجله ورود في هجيرك فيّ
وليلك يسهر عيون الملا يقرون في كتابي
من اسبابك تشوفين الحسايف في بنات الحي
احبك والحسايف كل يوم تموت في ترابي
اجل وشلون لا خذيت الحنان وما بقا لي شي
جعل فدوة عيونك ما بقى من جمله اصحابي ..}

الشآعر : فهد ـآلشهرآني

..{ عمر المحبـه ماتجافـي الحبايـب
بـس الحبايـب للمحبـه يجافـون
عمر الهجر ماكان وصل القرايـب
واهل القطيعه بالمعيبـات يطـرون
أبشتكي هـمٍ عـن النـاس غايـب
وأقول فزّوا ياهل العـون بالعـون
إن كان حبي له يجـي بالمصايـب
بلااآش من حبه على مايقولـون
صدّيت خوفي لا تزيد النشايـب
وأخذت في جنبي وأنا كلي طعون
مااضّرني بـرد الشتـاء ياهبايـب
الصيف في قلبي من العام مسجون
ماشفت قلبي بين الاضلاع ذآايـب
لأني احـس وغيرنـا مايحسـون
ودموع عيني كنها دمـوع تاايـب
تذرف دموعه كل ما جو يصلـوون
ماني بشايب لكن الـراس شايـب
شايب من الي شفت ولي يسـوون
أعطيتهم عمري وروحـي وهايـب
وأشوفهم مع مـر الايـام يقسـون
ناديتهـم يانـاس مانـي بطـايـب
ردوا علي يانااس تكفـون تكفـون
حثوا على الدرب الطويل الركايب
ولا التفت واحد من الـي يقفـون
لكن عرفنا فـي الاخيـر السبايـب
عطيتهم مـن فـووق مايستحقـون
لأن الهجر ماكان وصل القرايـب
وأهل القطيعه بالمعيبـات يطـرون ..}

الشآعر :فهد ـآلشهرآني

..{ أنت يلي من حكي الناس وش فيك أمغبون

البشر لا ضقت منها تزيد طعونها
و لا تحاول ترضي الناس و تقول وش تبون
غايتن لو تجهد النفس تقصر دونها
و إن جلست فمجلس الزور و اللي يكذبون
لا يغرك كثرت الزاد فوق اصحونها
إن جلست فمجلس الزور تقفاك الطعون
وإن حكيت بكلمة الحق ما يرضونها
و انتبه عثرت خويك يليه الأقربون
انك تبين للأجناب و ش مضمونها
صاحبك و عيال عمك و ربعك يكرمو
قدرهم لو بعت الأشناب لجل عيونها
لو جفاهم زادهم بعد في الفزعه يجون
وقفتن يبقى صداها و لا ينسونها
خذ كلامي يا محمد و هونها تهون
كم تجرعت المرارة و ذقت اغبونها
التجارب اشعرتني بما لا يشعرون
و المصايب درستني و انا ممنونها
لين صرت اعلم الناس كيف يرتبون
الجروح و كيف الآلام ما يسلونها
عيش جرحك و أنت راضي تلذذ بالشجون
النفوس احيان تحتاج عمق شجونها
الصباح يعلم الناس كيف يقدرون
ما فضح ستر الليالي و من يسرونها
و الليالي لو فضح سترها نور العيون
كان شفنا عاقل الناس من مجنونها
آه يا مقسى نجاحي على اللي يكرهون
و آه يا محلى بيوتي على مفتونها
اييه يا كثر المشاريه و اللي يشرهون
و ناس لا قلنا قصيده تقوم قرونها
ما علينا دام في الناس ناسن يعشقون
و القصيده قبل لا اقولها يقرونها
ما زعلنا و النهايات للي ياصلون
خل ناسن من ورانا تسن سنونها
إن حكيت اعلم الناس ما لا يعلمون
و إن كتبت أ لخص القول في مضمونها
و ان بغيت انزه النفس عما يصفون
الثقة تطغى على شكلها و ظنونها
الشيوخ اليا تحاكوا بكلمة ينثنون
كلمة و عجزوا ملايين ما يثنونها
و انا شيخن من شيوخ الشعر لا يجحدون
و الفعايل تبطي الناس ما يمحونها
كل ما عديت رجم المعالي يزعلون
الله يكفاني غثى الناس و شر عيونها
و لا تحاول ترضي الناس وتقول وش تبون
غايتن لو تجهد النفس تقصر دونها ..}

ـآلشآعر: فهد ـآلشهرآني

..{ طول غياب اللي لـه القلـب ملهـوف
والشوق ظالـم ماعـرف يـوم رئفـه
الجسم ناحل حيـل واللـون مخطـوف
مدري علامـه طـول ارحـال عطفـه
امـراض دنيانـا لهـا طـب معـروف
مافادنـي طـب ٍ ولا ألف وصفـه
خلانـي لاسمـع ولاحـس ولاشـوف
عايش بنصف انسـان مذبـوح نصفـه
لا والـذي مالـه بهالكـون موصـوف
حـوا جمـال الكـون والتـاج عـفـه
ماتوصفـه اقـلام ببيـات وحــروف
احبه ياوجـدي علـى ذيـك شفـه
محروم من لاشـاف خلـي ومتلـوف
والله مايغمض مـن الـ( آآه ) طرفـه
بيده لمحـت الليـل والصبـح ملفـوف
ذيـك الانامـل كيـف بالشـال لـفـه
كل ٍ يقـول الليـل والفـرق بالشـوف
في ذمتي شفته علـى اطـراف كتفـه
كذاب من قال ان حكي الصوت مألـوف
غير البشـر يانـاس صوتـه وحرفـه
صوته يلوف القلب ويلووف ويلوووف
خلانـي مـركـب لاشــراع ودفــه
باقولها مـن غيـر رهبـه ولاخـوف
والله يسـتـر واســأل الله لـطـفـه
لا(ريم) لا(حصة) ولا(مـي) او(نـوف)
(هتان) (ريميه) مـع اشعـار (وطفـه)
والله لـو للحسـن ميـزان وكـفـوف
كل البشر في كف و خلي بكفه
قسـم حنايـا القلـب ادراج ورفــوف
ورتب هيامـي ولوعتـي فـوق رفـه
ياناآاس ياعاآالـم ياهـوووه ملهـوف
والشـوق ظالـم واقـف ٍ دوم صـفـه
منهو يقـول لصاحبـي ليـه مايـروف
خله من شوقه دنـا اليـوم حتفـه
قالوا يموت الورد لا صار مقطوف
وانـا حبيبـي الـورد يـحـي بكـفـه ..}

ـآلشآعر : إيآد المريسي

**

» قوانين قسم الشعر - قصايد - قصائد - همس القوافي
» قصائد 2011 , العبرة اللي لها يومين تخنقني